Soprano Pervîn Chakar, wesatayê dûdûkî Erkan Tekîn û pîyanîst Dengîn Ceyhan albumê ‘Breath of Nahrain’î de ameyê têhet.
Sopranoya Kurd a namdare Pervîn Chakar her xebata xo de muzîsyenayê serkewtîyan rey de yena têhet. Erkan Tekîn û Pervîn Chakar cuwaver zî ameybî têhet û nika bi albumê ‘Breath of Nahraîn’î reyna ameyê têhet û na rey pîyanîst Dengîn Ceyhan zî paştîya xo daya înan.
Hîkayeya cîyabîyayîşî
Deyîra verêne ya albumî ‘Heyran Jaro’ platformanê dîjîtalan ser de ameye weşanayîş. Na deyîre, deyîra hetê Zaxo û Dihokî ya. Reya verêne hetê Fadil Cizîrîyî ra ameya vatiş. Deyîre Heyranok a. Cinîyêka koyanê Cudîyî waştîyê x ora cîya bîya û na deyîre eşta ey ser. Waştîyê cinîye hîşarî ra ginayo war û cinîye deyîre de waştîyê xo yê birîndarî de qisey kena.
Çarna deyîrî rayîrî ra yê
Albumê ‘Breath of Nahrain’î do Ada Muzîkî ra bivejîyo. Abumî de,Kurmanckî, Kirmanckî, Ermenîkî û Suryankî do panc deyîrî ca bigerê. Deyîrê bînî zî do nê rojan de bêrê weşanayene. Malûmatanê albumî de wina yeno vatene, “Ma do bi muzîkê klasik û bi muzîkê rojhelatî ver bi vîyarteyî ya bikewê raywanîyêk. Na raywanîye do ma bera koyanê Botanî, Koyanê Dersimî û ver bi Ermenîstan û Turabdînî. Na raywanîye de do hîrê hunermendê serkewteyî ma rê bibê rayberî.