Konfederasyonê Kurdê Diaspora - Diakurd 8'ê Adare Roja Cinîyan a Dinya pêrûna cinîyan û camêrdanê ke seypeyîya cinî û camêrdan wazenê rê pîroz keno. Diakurd hurmet dano xebate û tekoşînê cinîyan û seypeyîya mabênê cinîyan û camêrdan û warê sîyasî, îkdîsadî û cematî de qîmet dano xebata cinîyan.
Diakurd û teşkîlatê endamî na bawerîye de yê ke, heqê cinîyan mîyanê cematî de nême-nême yo û heqê cinîyan heqê bingehîn yê merdimayîye yo û bê azadiya cinîyan, komel azad nêbeno û rayîrê averşîyayîşî anêbeno. Diakurd her tim destpêkê xebata xo ra hetanî nika vera cîyayîya mabênê merdiman de vejyayo û seypeyîya mabênê camêrdan û cinîyan paweno. Ma na bawerîye de yê ke, eke na seypeyîye mabênê cinî û camêrdan de, mîyanê cematî de awan bibo do o wext aştî û azadî bêrê ca.
Ma na roja cinîyan a dinya ke yad kenê de wazenê vaje, mîyanê çend serranê peyênan de ma şahîd bîyê ke cinîyê Kurdan vera hêzanê îşgalkeran de vera terorîstanê "Daişî"de rolêko esasî û bitesîr kay kerdê û bi hîsanê netewperwer erdê welatê ma pawitê.
Ma eşkenê vaje ke, warê tarîxî û kulturî de, rewṣ û hêzê cinîyanê Kurdan goreyê cinîyanê neteweyanê dormeleyê Kurdan goreyê cematî û îkdîsadî zêder û berzêr o, la çi heyf ke cinîyê Kurd hem rîyê serdestanê îşgalkeran yê ser kurdistanî ra û hem zî rîyê kultûrê serdestîya camêrdan ra benê qurbanî û her het ra rastê şîdetî yenê.
Kultur û cematê netewa Kurd de, cinîyê Kurd yê Diaspora bi taybetî welatanê averşîyayî yê dinya de zî mîyanê estbîyayîşê îmkananê başêr de zî qurbaniyê yewin yê kultûrê camêrdserdestiye yê û mîyanê ê cayan de zî averşîyayîşê înan yeno sînorkerdene.
Tekoşînê cinîyan o semedê seypeyî û edeletê cematî de rayîrêko dûr û derg vera cinîyanê Kurdistanî û cinîyanê bînan yê dinya de yo. Semedê destvinayîşê azadî û seypeyîya cematî têkoşîn û xebata cinîyan dewam kenê.
Roj çino ke cinîyê Kurd rastê şîdetî nêrê û rastê kultûrê şîdetî yo bi nameyê "şîdetê namûsî" nêrê. Çi heyf ke no mumaeleyo ke cinîyan rê beno teberê welatê ma de zî esto û cinîyan rê beno.
Serkewtî bo xebata seypeyîye ya cinî û camêrdan!
Pîroz bo 8'ê Adare, Roja Cinîyan a Dinya!
Komîteya Rayberîya Konfederasyonê Kurdê Diaspora - Diakurd
08/03/2022