Hat ragihandin ku wê Seroka Parlamentoya Ewropayê Roberta Metsola, serdana paytexta Ukrayna Kîevê bike ku hîn jî di bin xeteriya êrîşên Rûsyayê de ye.
Mestola daye xuyakirin, "Diçim Kîevê. Ez ê li ser navê Parlamentoya Ewropayê peyama hêvîyê û piştgiriyê bigihînim.”
Ev yekem serdana rayedareke bilind a Yekîtiya Ewropayê ye ku piştî destpêkirina êrîşên Rûsyayê yên zêdetirî mehekê ye berdewam dikin, serdana Ukraynayê dike.
Beriya niha jî serokwezîrên Polonya, Çekya û Slovenyayê serdana Kîevê kiribûn û piştgiriya xwe bo Serokê Ukrayna Volodomir Zelensky nîşan dabûn.
Zelensky beriya niha di peyameke xwe de berpirsên welatên dost vexwendibûn Ukraynayê û gotibû, hîn jî asmanê me ji fuze û balafirên rûsî re nehatiye girtin.