Buroya Çapemenî ya Partîya Welatparêzanê Kurdîstanî (PWK):
Komara Kurdîstanî ercêkê neteweyî, niştimanî yê heme kurdanê dinya ya
Komara Kurdîstanî bi Serekkomarîya Pêşewa Qazî Mihemedî 79 serrî verê cû roja 22.01.1946î de Meydanê Çarçirayî yê bajarê Rojhilatê Kurdistanî Mehabad de Komara Kurdistanî amey îlankerdene. A roje Meydanê Çarçirayî de temsîlkarê her çar perçeyanê Kurdistanî estbî.
Komara Kurdîstanî roja 17.12.1946î de hetê Dewleta Îranî ra şîya ra. Qazî Mihemed û 15 îdarekarê Komara Kurdîstanî roja 31ê Adara 1947î de Meydanê Çarçirayî de hetê Dewleta Îranî ra ameyî dardekerdene. Komara Kurdîstanî (Komara Mehabadî) tarîxê Kurdistanî de tecrûbeyêka zaf pîle û muhîm a ke heme Kurdîstanîyê dinya pê serberz bîyê.
Cu, helwest , şexsîyet û wasîyet û pawitişnameyê Pêşewa Qazî Mihemedî yê mehkema eslê xo de raybaz û hişmendîya Kurdîstanî û armancê Komara Kurdistanî pêşkêşê ma keno.
Belê, wasîyetê Pêşewa Qazî Mihemedî rayîrê azadîya her çar perçeyê Kurdîstanî de akerdo. Gama ke ma ê wasîyetî bîyare ca do ruhê Pêşewa Qazî Mihemedî, yê Mele Mistefa Barzanî, yê Seyid Riza, Îhsan Nûrî Paşa, Xalid Begê Cibrî, Şex Seîd û yê heme şehîdanê Kurdistanî şa bo.
Serrgêra îlan kerdişê Komara Kurdîstanî ya 79ine de, ma Pêşewa Qazî Mihemed, Pêşewayê eskerî yê Komara Kurdistanî Mele Mustafa Barzanî û heme ronayox û kedkaranê Komara Kurdîstanî, şehîdanê Komara Kurdîstanî û heme şehîdanê Kurdîstanî bi hurmet yad kenê.
22.01.2025
Buroya Çapemenî ya Partîya Welatparêzanê Kurdîstanî (PWK)