Partîya Welatparêzên Kurdistanê (PWK) roja 01.03.2025ê, bi 46emîn salvegera koça dawîya Mele Mistefa Barzanîyê nemir, li navçeya Qoserê ya Mêrdînê konferansa bibîranînê li dar xist.
Li Qoserê, konferans li Hola Dawetê ya Bûharayê hate li dar xistin.
Konferans bi rêzgirtina ji bo şehîdên Kurdistanê destpêbû.
Paşê, di derbarê jîyan û têkoşîna Mele Mistefa Barzanîyê nemir de sînevîzyonek hate pêşkêş kirin.
Moderatorîya konferansa li Qoserê, ji alîyê Serokê Teşkîlata Mêrdînê ya PWKyê Nezîr Gelerî ve hate rêvebirin. Nezîr Gelerî, bixêrhatina beşdaran kir, di derbarê girîngîya meha adarê ji bo miletê Kurd û rola Mele Mistefa Barzanîyê nemir anî zimên.
Di destpêkê de, Cîhgirê Serokê Giştî yê PWKyê Mehmet Can Azbay bi kurtayî behsa derbarê jîyan, têkoşîn û xebata Mele Mistefa Barzanîyê nemir kir, îro li her çar perçeyên Kurdistanê girîngîya fikir û rêbaza cenabê wî anî zimên. M.Can azbay, her weha di derbarê pêvajoya ku îro her çar perçeyên Kurdistanê tê de derbas dibe de, bîr û ray û pêşniyarîyên PWKyê pêşkêş kir.
Paşê, rêvebirê PDKSyê Ferhad Şahîn û sîyasetmedar, nivîskarê kurd Tahsîn Sever, di derbarê jîyan, têkoşîn û xebata Mele Mistefa Barzanîyê nemir de agahdarî dan, di dîroka Kurdistanê de girîngîya cenabê wî anîn zimên.
Di konferansa bibîranînê de, helbestvanê kuırd Şêx Mizbehê Silîvî, Îzedîn OKAN, Şêxmûs HEMO,Melle Şîrîn ZELLE di derbarê Mele Mistefa Barzanîyê nemir de helbest xwendin.
Konferansa li Qoserê bi beşdarîya girseyeke berbiçav li dar ket.
Nûnerên Partîya Sosyalîst a Kurdistanê (PSK), Partîya Maf û Azadîyan (HAK-PAR), Partîya Demokrat a Kurdistanê Bakur (PDK- Bakur), Platforma Ciwanên Serbixwe , DEM Partî Şaxa Mêrdînê û Şaxa Qoserê, Endamê Encumena Qoserê yê AKPyê, Saadet Partî Şaxa Mêrdînê, Partîya Demokrat a Kurdistana Sûryê (PDK-S), Tevgera Azadîya Kurdistan Sûrî, Partîya Yekîtîya Kurd Li Sûrî, Partî Demokrat a Kurd Li Sûrî- El Partî , Komela Nûbihar, Weqfa Îsmaîl Beşîkçî ,Komela Ahmedê Xanî û gelek sîyasetmedar û rewşenbîrên kurd û gelê me yê Qoserê beşdarî konferansê bûn.
01.03.2025
Buroya Ragehandinê ya Partîya Welatparêzên Kurdistanê (PWK)