Sêwas de roja 2ê Temmuza 1993î de 33 roşinvîrê Kurd û Elewî seba ke tewrê şayîyanê Pîr Sûltan Abdalî bibê şîbî Otela Madimakî û rastê hêrişê ameyî.
Mabênê qetlîamnê Sêwasî ra 26 serrî vîyartî. Roja 1ê Temmuze de nuştox Azîz Nesîn zî yew qiseykerdiş kerdbi verê Otela Madimakî de.
Roşvîran ra Behçet Aysan, Metîn Altiok, Ugur Kaynar, Hasret Gultekin, Nesîmî Çîmen, Asim Bezîrcî zî estbî.
Mîyanê 33 kesan de en pîlê xo Asim Bezîrcîyo 66 serrî bi. Keso en qij zî 12 Koray Kayayo 12 serrî bi.
Mîyanê kesê ke amê qetilkerdiş de yew hemwelatija Hollanda Carina Cuanna Thedora Thuys zî estbî.
Qetlîamî ra 2 rojî verî mîyanê bajarî de vilawekî ameybî vilakerdiş. Vilawekan de nuştox Azîz Nesîn û hevalê ey sey “Şeytan” ameybî nîşandayîş.
GAME BI GAME QETLÎAM!
Roja 2ê Temmuz de nimajê Îne ra pey verê merkezê kulturî de protestoyêk ame organîzekerdiş
Protesto de sloganê "Sêwas do layîkçîyan rê bibo mezel " amêne eştiş. Qasê 15 hezar kesî verê Otola Madimakî de amê pêsero. Ewilî camê otele amê şikitiş. Mîyanê kome ra tayn kesî vatêne “Bivêşnêne, hemine bivêşnêne. No adir adirê cehennemî”
A roje mîyanê Otela Madimakî de 35 kesî merdî. 33 hebê xo bi gane hetê koma hare ra amê vêşnayîş.