Cîgirê Serokwezîrê Herêma Kurdistanê Qubad Talabanî di salvegera herifandina Rejîma Beisê de daxuyaniyek weşand û got, “Kurd ti carî teslîmî dîktatoriyê nebûne û teslîm nabin.
Qubad Talebanî li ser hejmara xwe ya facebookê bi boneya salvegera herifandina Rejîma Beisê daxuyaniye weşand û diyar kir, Kurd tevî zext, komkujî û qirkirinan bi têkoşînê bi ser ketin.
Qubad Talebanî got, “Rejîma Beisê nekarî vîna gelê me bişkîne û Kurd gelek caran rastî kiryarên dijmirovahî hatin. Rejîma Sadam xwîna Kurdan rijand. Li dijî wan jenosîd pêk anî. Sedam Hisên di Enfal û Helebçeyê de kurd qetil kirin. Gundên Kurdan şewitandin, girtiyên siyasî bidarve kirin û bi darê zorê kurdên Feylî koçber kirin, lê dîsa jî nikarî vîna wan bişkîne.
Qubad Talebanî bi bîr xist ku 9’ê Adarê salvegera rizgarbûna ji rejîma Baasê ye û got. “Kurd tu carî teslîmî dîktatoriyê nebûne û teqez di pêşerojê de jî teslîmî dîktatoriyeke din nabin.