Roja şemeyî (09.07.2022) hetê Înstîtutê Ziwan û Kulturê Kirmancî-Berlin ra bi yew aktîvîte edi Yekmale-Berlin de serrgêra qetilkerdîşê 85îne de Zarîfe Xanime û Alîşer Efendî û bi bêşdar bîyena xêyle kesan amayî yadkerdene.
Dest pêkerdena programê nê aktîvîteyê yadkerdîşê Zarîfe Xanime û Alîşer Efendî de serekê Înstîtutî Îbrahîmê Xaşxaşe bi kilmek derheqê muhimîya roje de înformatsîon û xêr amayenê de meymanan û bi gulbang û duwa Pîr Sêy Mahmut Yildizî dest bi programî kerd.
Dima, vîdeoyo kilmek o ke derheqê Zarîfe Xanime û Alîşer Efendî de hetê Wusênê Gestemerde ra amayîbî amadekaerdene Beamer ser ro ameyê temaşe kerdene.
Nayê ra gore mana û muhimîya roja 9ê temuze ser o tarixnas û nustoxo hêca Munzur Çemî derga-derg hem bi kirmanckî û hem kî bi tirkî qese kerd û têkoşîn û xoverdayîşê Zarîfe Xanime û Alîşer Efendî ser o xêyle vinet û dima kî bal ont bêbextîye û xayintîye ser...
Program bi veng û rengê lawukanê kirmanckî dewam kerd û bi rengê şîra şaîro hêca Îbrahîmê Xaşxaşe xelesîya.
Sipasîye;
Bi na wesîla, seba ke vîrî ardîşî de ca guret û bi gulbangê êy programî dest pêkerd, Pîr Sêy Mahmut Yildiz re, seba ke derheqê roje û xoverdayîşê Zarîfe Xanime û Alîşer Efendî de înformatîon da bêşdar bîyayîşan tarixnas û nustoxo hêca Munzur Çemî re, seba ke karê teknîkî bi serkewte kerd, endam û emegdarê Înstîtutî Riza birayî re, seba ke bi fîlmê Zarife Xanime û Alîşer Efendî ma berdîme korîdoranê tarîxê Qoçgîrî û Dêrsim ra fetelnayîme û xoverdayîşe rayberanê ma ardî ra ma vîrî, Wusênê Gestemerde re, seba ke bi şîîrê de xo reng da programê vîrî ardişî, Îbrahîmê Xaşxaşe re, seba ke bi fedekarîye û bi serkewte no vîrî ardîş organîze kerd, Mukaddese re, Savaş re, Wusênê Gestemerde re û Îbrahîmê Xaşxaşe re, peynîye de kî seba ke bêşdar bî ma têyna neverdayîme tek bi tek endamanê xo re, û seba ke ca da ma, koperation partnerê xo YEKMALê re zaf sipas kenîme.
Komîteya rayê ra berdîş ya Înstîtutê Ziwan û Kulturê Kirmancî (Zaza) –IKK- e. V. Berlin