Sendîkaya Kedkaranê Xizmeta Weşîye û Sosyale (SES) semedê vilabîyayîşê Korona newe ra hişyarî da. Şubeyê Riha derheqê vilabîyayîşê janî de beyanatêk da çapemenî.
Îdarekara SESî Selma Ateş beyanat wend û îzah kerd ke, rîyê vilabîyayîşê Korona ra nêweşxaneyan de ca nêmendo û şar nêweşxaneyan de keweno dore.
Ateşe va ke; Vîrûsê Korona Riha de zaf zêde vila bîyo. Bi no qayde karê doktoran û xebatkaranê weşîye zaf bîyo zehmet û meaşê tay xebatkarê weşîye û doktoranê ke bi korona kewtê, semedo ke tedawî benê ameyo birnayîş.
Selma Ateş da zanayîş ke, Riha de rojane hezar kesî bi Korona kewenê her 12 xebatkaranê weşîye ra kesêk bi korona vejîyeno.