"Roja Rojnamewanîye kurdî, roja vîrardişê vecîyayişê rojnameyo kurdî yo verên o. Rojnameyî Kurdistan 22î nîsan 1898 de hetê Miqdad Midhed Bedirxan ra paytextê Misirî Qahîre de ameyo çap kerden. No rid ra 22î nîsan sey Roja Rojnamewanîyê kurdî yena pîroz kerden.
5 hûmarê verên ê rojnameyî şert û mercanê xidar de Qahîre paytextî Misirî de ameyê veten, labelê cuwa pey ridê zext û zordarîyanê dewleta Osmaniyan ra, hûmarê ey ê 6-31an hetê Ebdurrehman Bedirxanî ra Swîsre û Înglistan de ameyê veten. Rojnameya Kurdistan reşnvîrîyê kurdî ser o, hereketanê kurdan û hişar kerdişê neteweyî yê peroyî ser o yew bandoro gird ardo meydan.
124 serranê vîyarteyan de, bi hezaran rojname û rojnamewanî kurd rayîrê Miqdad Midhed û Ebdurrehman Bedirxan ra şîye û pa heme zext, zoran a mîrasê înan roj bi roj verd benê. Çi heyf ke heta ewro zî bi serrano, bi seyan rojnamewan û nuştoxê kurd ê heme beşanê Kurdistanî, ridî xebatê xo ya rojnamewanîyê û vila kerdenê fîkîranî xo ra,raştê erişanî neheq yenê û heta bi îşkence, zîndan û kiştişa yenê ri bi ri.
Ma minasebeta Roja Rojnamewanîyê Kurdî heme neslo verên ê rojnamewanîya kurdî yad kenê û na roj heme rojnamewan û heme xebatkaranê rojname û medyaya Kurdistanî pîroz kenê."
Komîteyê îdarekerdoxî yê Konfederasyona Kurdanê Diaspora - Diakurd 21/04/2022