Merkezê Xeberan - Roja 21ê sibate pêro dinya de sey Roja Ziwanê Maye ya Mîyannetewî yena pîrozkerdene. Grûba akîvîteyanê ziwan û kulturî Morceleyê Kirmanckî zî bi wesîleya Roja Ziwanê Maye ya Mîyannetewî ya 21ê Sibate do Buroyê Amedî yê Weşanxaneyê Vateyî de 22ê sibate de di semîneranê kirmanckî (zazakî) organîze bikera.
Semîneran behsê muhîmîya ziwanî do bêro kerdene. Semînero yewîn hetê nuştox Haydar Diljenî ra do bêro dayene. Diljen do derheqê Roja Ziwanê Dayîke ya Mîyannetewî de qisey bikero.
Semînero diyîn zî hetê nuştox Mehmed Selîm Uzun û nuştox avûkat Bîlal Zîlanî ra bêro dayene. Uzun û Zîlan do qala Edebîyatê Kirmanckî yê Klasîkî bikerê û rewşa ci ya nikayîne vajê.
Zanayîşê derheqê semînaran de wina yê:
Semînero yewîn:
Qiseykerdox: Haydar Diljen
Babete: Roja Ziwanê Dayîke ya Mîyannetewî
Tarîx: 22ê Sibate 2020
Ca: Weşanxaneyê Vateyî
Saete: 13:00
Semînero diyîn:
Qiseykerdoxî: Mehmed Selîm Uzun-Bîlal Zîlan
Tarîx: 22ê Sibate 2020
Ca: Weşanxaneyê Vateyî
Saete: 15:00