Navenda Nûçeyan- Rayid Karzan Mecîd ji BasNewsê ra axivî û aşkere kir her sal ji ber rûdawên trafîkê li Herêma Kurdistanê bi hezaran kes canê xwe ji dest didin û bi hezaran kes jî birîndar dibin. Herwiha bi milyondolaran jî zîyana maddî pêk tê.
Herwiha Rayid Karzan Mecîd da zanîn ku rûdanên hatûçûnê ji ber pabendnebûna şofêran bi yasayên hatûçûnê, xirabbûna rê û pirayan û hokarên din pêk tên.
Rayid Karzan Mecîd dibêje bo kêmkirina rûdawên hatûçûnê jî pêwîstî bi bername û planan heye û heta niha alîyên peywendîdar derbarê wê pirsê da gavên pêwîst neavêtine.
Îro bi armanca roja qurbanîyên rûdawên hatûçûnê li çend bajarên Herêma Kurdistanê çend çalakîyên cûr bi cûr hatin encam dan.
Çavkanî: Basnews