Şaredarê Bajarê Mezin ê Hatayê Lutfu Savaş diyar kir, ji ber erdhejê 20 hezar kesan jiyana xwe ji dest dane û 24 hezar kes jî birîndar bûne.
Li gorî nûçeya Sozcuyê, Şaredariya Bajarê Mezin a Hatayê Lutfu Savaş got, “Li Hatayê heta niha derdora 20 hezar kesî jiyana xwe ji dest dane. Zêdeyî 24 hezar birîndarên me hene ku em dikarin nas bikin. Hin ji wan li derveyî bajêr, hin ji wan li bajêr in. Li nexweşxaneyên hevalên me yên ku ji fakulteya tibê hatine û ji derve nexweşxaneyeke meydanî ava kirine, tê dermankirin.”
Savaş diyar kir, li Antakyayê pirsgirêka av û ceyranê dewam dike û wiha got: “Me ceyran da piraniya cihan, lê Antakya çol e û bi şev tarî ye. Mixabin gelek ceyran nadin Antakyayê. Ji ber ku gelek kabloya vekirî, apartmanên wêrankirî hene. Derbarê avê de me nekarî avê bigihînin Antakya û Defne, piçek jî ji bo Samandagê. Ji bilî vê me av da her derê."
Lutfu Savaş eşkere kir, zerara binesaziyê gelekî mezin e û got, "Niha li Antakyayê ji xeynî yên hatin îmhakirin, tenê ji sedî 80ê wan hilweşînin."
Lutfu Savaş derbarê avahiyên hilweşiyayî û xerabûyî yên li Hatayê de agahî da û got, “Li Hatayê zêdetirî 3 hezar avahiyên hilweşiyayî hene. Nêzîkî 20 hezar avahiyên ku zirareke mezin dîtine û derdora 10 hezar avahî jî bi xisareke nerm hene. Divê em wan hemûyan tune bikin. Dema em cenazeyên xwe defin dikin, xebatên kolandinê destpê dikin. Em li ser wê yekê dixebitin ku em ê çawa karibin Hatayê dîsa li ser piyan bigirin."
Lutfu Savaş got, "Gelek kes difikirin ku gelê me vî bajarî terikandiye û venegere" û wiha dewam kir.
“Pêwîst e zanibin ku em weke şaredarê vê mîrateya bav û kalan, emaneta dawî ya Gazî Mustafa Kemal Ataturk a Komara Tirkiyeyê, dibêjin ku ev der wê welatê me bidome. Em hêvî dikin ku di zûtirîn demê de aştî bi Sûriyê re were îmzekirin. Em ê van birayan ji Sûriyê bi aşitî bişînin welatên wan, bi avakirina binesaziyên li wir di bin garantiya hiqûqa navneteweyî de. Em ê bajêr ji bo gelê me bizivirînin bajêr xweştir bikin. Ev jî wê bibe welatê Tirkan. Em ê tu carî destûrê nedin ku pêkhateya demografîk biguhere.”