Seba Amedsporî tehqîqat ame destpêkerdene

Wezîrê Karanê Zereyî Suleyman Soyluyî Amedsporî sey hedefî mojnabi û vatbi: 'Kulubê sporî yo ke binê talîmatê Kandîlî de yo'. Derheqê Amedsporî de hetê mufetîşanê wezaretî ra tehqîqatêk yeno kerdene.

Merkezê Xeberan- Amedspor hema zî binê ambargoyê Federasyonê Futbolî yê Tirkîya (TFF) de yo. Wezîrê Karanê Zereyî Suleyman Soyluyî derheqê Amedsporî de vatbi ke ''Kulubê sporî yo ke binê talîmatê Kandîlî de yo.'' Nê vatişê Soyluyî ra dima mufetîşanê wezaretî derheqê Amedsporî de dest pê tehqîqatêkî kerd.

 

Mufetîşî hewteyêk ra nata defteranê Heyetê Îdareyî yê Amedsporî, tabloyanê fînansmanî û butçeyê ci de cigêrayîşê xo dewam kenê.

 

 Wezîrê Karanê Zereyî yê Tirkîya Suleyman Soyluyî 11ê teşrîna peyêne de bi nê qiseyan Amedspor sey hedef mojnabi: "Armanco peyên ê Kandîlî Amedspor o. Bitaybetî Cemîl Bayikî ferman da ke seba Amedsporî pere bêro pêser. Amedspor kulubê sporî yo ke binê talîmatê Kandîlî de yo."

 

Serekê Kulubê Amedsporî Metîn Kilavuzî da zanayene  ke dima ke raporê tehqîqatî amade bibo ê do eşkerayîyêk bidê.

KIRDKÎ ( ZAZAKÎ) Haberleri

PWK: Ma Seyîd Rizayî û embazanê ey bi hurmet yada kenê
Seyîdxan Kurij: Mi tim waṣt ez sey yew entelektuel ṣarê xo rê xizmet bikerî
KURD KAW do Amed de konferansêk bido
Belgefîlmê "Mamostayo Bêmamosta Malmîsanij" rê eleqeyo pîl
Resam Mehmûd Celayir bajarê Almanya Koblenz` de yew nawitgeh akerd