Mafyager Sedat Peker ragihand ku wî 9emîn vîdyoya xwe taloq kiriye û ew dê wê vîdyoyê piştî hevdîtîna Erdogan ya ligel Biden belav bike.
Mafyager Sedat Peker ku ev heyamek e bûye rojeva siyaseta Tirkiyê, li ser belavkirina vîdyoyên xwe berdewam e.
Sedat Peker li sr hesaba xwe ya Twitterê ragihand, wî 9emîn vîdyoya xwe bo 14 Hezîranê anku piştî hevdîtina serokkomarê Tirkiyê Recep Tayip Erdogan ya li gel Serokê Amerîka Joe Biden, taloq kiriye.
Peker ew vîdyoya bi helalkirina xwe ya ligel Erdogan bi navkiribû û gotibû ew û Erdogan dê di wê vîdyoyê de hev helal bikin.
Peker amaje bi wê kir ku hinek rojnamevanan propagandaya wê yekê kirine ku ew dê wê vîdyoyê beriya wê hevdîtinê Biden-Erdogan belav bike ji bo ku destê Biden li hember Erdogan bihêztir bibe.
Peker tekez dike ku ew paş de gav naavêje û got “Ango dibêjin min tu sîxur î, ez vîdyoya hev helalkirina ligel birayê Tayip bo 14yê Hezîranê taloq dikim, lê ez soza namûsê didim ku ez dê wê vîdyoyê belav bikim.”
Herwiha Peker got jî ew dê vê Yekşemê parlamenterê ku 10 hezar dolaran ji wî distîne eşkere bike û Wezîrê Navxwe Suleyman Soylu jî bixe qutiya kibrîtê de.
Mafyger Sedat Peker heta niha 8 vîdyo belav kirine ku di wan vîdyoyan de jibilî peywendiyên berpirsên dewlet û mafyayê û bazirganiya maddeyên hişber, behsa pirsa Kurd û rewşa Rojavayê Kurdistanêjî dike û pêşniyazên xwe ji bo çareserkirina pirsgirêkan pêşkêş dike.