"Serra 2021 , sey 2020 semedê şarê Kurdistanî û semedê heme merdimayî, serra Pandemîya Covîd-19î bî.
Ma sey miletêk serrêka bîne zî pê dej û xeman peyê xo de verda.
Bi hêvî, waştiş û bawerîya ke serra 2022î de, no tehlûkeyê Pandemîya Covîd-19îbiqedyo û heme merdimayî nê belayî ra bixelisyo.
Bi hêvî, waştiş û bawerîya ke serra 2022 de, bi pêardiş û averberdişê hişmendîya netewî û niştimanî, bi tarîxê xo ra ders girewtiş, bi xurt kerdiş û zêdekerdişê hêvîyanê xo, ma dostanê xo zêde, dişmenanê xo kêm bike.
Bi hêvî, waştiş û bawerîya keserra 2022 de wafedakarî, zerrweşî, qerardarî, xebate, nefsqijî, yewbînan rê hurmetkerdiş, cigêrayîş û awankerdişê hemkarî û îtîfaqê welatperwerane, bawerîya bi dewaya azadîye biba şirîk û raybazê cuyayîşê ma yê şexsî, sîyasî, komelkî û netewî.
Bi hêvî, waştiş û bawerîya ke serra 2022 de Bakurê Kurdistanî de mîyanê potansîyelê tewr hîra yê şarê Kurdistanî de waştişanê acîl yê netewî, niştimanî hemkarî ser o îtîfaq bêro awankerdiş û rayîrê xebate û çareserîya sîyasî, demokratîk, sivîl abibo.
Bi hêvî, waştiş û bawerîya keserra 2022 de bi yewitîya heme partîyanê sîyasî yê Başûrê Kurdistanî û bi hetkarî, hemkarî û hetkarîya heme Kurdanê dinya, qezencê federe yê Herêma Kurdistanî bêrê pawitiş (seveknayîş); Kerkûk, Şingal û hemecayê îşkalkerdeyî bikewê destê Serekî, Parlamento û Hukmatê Herêma Kurdistanî.
Bi hêvî, waştiş û bawerîya ke serra 2022 de Rojavayê Kurdistanî de PYNK; ENKS û heme partîyê Kurdan îdareyêkê hempar yê eskerî, sîyasî, îktîsadî, dîplomasî û îdarî ser o pê bikê, statuya ke esta bipawê, rayîrê qezencanê netewî, demokratik aver û xurtêr bikê.
Bi hêvî, waştiş û bawerîya ke serra 2022 de,Rojhilatê Kurdistanî de heme partîyê netewî, niştimanî yewîya xo awan bikê û bi amadeyîyêka hîna organîze û xurtsemedê bîyayîşanê neweyan xo amade bikê.
Bi hêvî, waştiş û bawerîya ke serra 2022 li Kurdistanî û her cayê dinya de rayîrê cuyêkê merdimane, azad, demokratîk, adilane, aştîyane, seypê heme merdimayîye rê abibo.
Bi hêvî, waştiş û bawerîya ke serra 2022 de weşî, sihet û bextewarî bibê şirîkê cuyayîşê ma, bi hîs û vîr û bawerîyê xo yê netewî, niştimanî û merdimayî ez serra newîye ya heme heval û dost û nasanê xo, serra newîye ya hemeşarê ma yê Kurdistanî û ya hememerdimayî pîroz kena."
31.12.2021
Mustafa Özçelik
Serekê Pêroyî yê PAKî