Serokatiya Fransayê rexneyên dijwar li Serokomarê Tirkiyê digre û dibêje, gotinên wî nayên qebûlkirin.

Berpirsekî ji Koşka Serokatiya Fransayê got: “Daxuyaniyên Serok Erdogan nayên qebûlkirin. Em daxwaz dikin Erdogan siyaseta xwe biguhere, ji ber wê siyaseta peyrew dike ji hemû aliyekî ve metirsîdar e.”

Berpirsê Fransî dibêje, Balyozê Fransa yê Enqerê hatiye bangkirin daku şêwir ligel bê kirin û bi armanca gotûbêjkirina rewşê ligel Emmanuel Macron jî dicive.

Serokomarê Tirkiyê roja Şemiyê li beramber siyaset û axaftinên wî bi taybetî derbarê Îslamê de rexne li Serokê Fransayê Emmanuel Macron girt û got: “Di warê zîhnî de pêdiva Macron bi çareseriyê heye.”