Serokê Konfederasyona Cerdevanên Gund yên Anadoluyê û Konfederasyona Malbatên Şehîdan Ziya Sozen li Mêrdinê bi bêşdarîya 200 cerdevanên ji Şirnexê, Amedê, Çolemergê, Rihayî û Wanê civîneke şewrê li dar xistîye û misyona xwe anî zimên û pesnê dewleta xwe Tirkiyeyê daye û gotîye; ‘Ew li ser axekê ku sê aliyên wê bahr û 4 alîyê wê bi xayînan ve hatîye dorpêç kirin, dijîn û ji bo parastina wê bedelekê mezin dixwaze. Bapîrên wî vê bedelê dane û ew ê jî ji bo alaya wan ya hîv û stêrk li jor îlelebet ba bide, vê bedelê, bidin. Heta ew li herêmê hebin kes nikare bostek axa wan ji wan bistîne û alaya wan daxîne.’
Serokê Konfederasyona Cerdevanên Gund yên Anadoluyê û Konfederasyona Malbatên Şehîdan Ziya Sozen ê Çewlikî ji tirkekî zêdetir tirk e û xwedî li Tirkiyeyê derdikeve û beyanên wisa dide ku dewlet jê re aferîn bibêje.
Lê xuya ye Sozen fehm nekîriye ku ew di çavê dewleta Romê de sifir e, gava dewlet îşê xwe pê biqedîne; wî jî wek goreyekê gemarî bavêje çopê.