Kitabo newe yê nuştoxe Şeyda Asmîn bi nameyê 'Raywanîya Rojawa de' weşanxaneyê Meymanî ra vejîya.
Kitabo newe yê nuştoxe Şeyda Asmîn bi nameyê 'Raywanîya Rojawa de' weşanxaneyê Meymanî ra vejîya.
Kitabo ke pê paştdayîşê rojnameyê Newaya Jin vejîya, tede bi desan hîkayeyî estê. Hîkayeyî zêdêr qala Rojawanî kenê û uca de qewimîyayî. Muhtewaya hîkayeyan zî şerê vera DAÎŞî yo. Hetê bînî ra kitab de tay hîkayeyî zî Herêmanê Pawitişî yê Medya de vîyarenê.
Hîkayeyê kitabî yê Şeyda Asmîn mabênê sibata 2012î-gulana 2020î de nusîyayî û kitab bi temamî 80 rîpelî yo.
Vervateyê kitabî hetê nuştox û şaîr Kamer Soylemezî ra nusîya.
Soylemezî vervate de wina vano: “Nî hêkatî aynê Rojavayî yê. Mi ke wendî, hen hîskerd. Rojava de se beno, cengê verva DAEŞ ra tepîya û binê tehditanê dewleta tirk de. Gorê homete, cengo en girs Kobanê de amo ciwîyayene. La raştîye de cengo en girs hona rameno. Riznayene rehet a, ama nîznayene zaf zaf zor a. Dirvetanê herbî melem kerdene kî serran cena. Dirvetê herbî xorî yê.”
Kitabo bîn ê Şeyda Asmîn 'Zaman Sey Fekê Kardî Bî' çend serrî verî vejîyabi.
Kesê ke wazenê kitabê ‘Raywanîya Rojawa de’ peyda bikerê êşkenê aşma temmuze ra pey nê rayîran ser o xo biresnê weşanxaneyê Meymanî:
E-maîl: [email protected]
Twitter: @Wesanen_Meyman
Tel: 0031 65 79 13 039
Malper: pirtukxane.net