Ma venga heme Kurdistanîyanê Ewropa û yê heme dinya, Komelê sivîlî, Partiyê sîyasî, şexsîyet û hûnermendê kurd û Kurdistanî danê û vanê: Bêne ma heme pîya hetkarî bidê teşebusê yewîya Kurdan yê Rojavayê Kurdistanî. Sûriye de teşebesuê înan o seba heqanê şarê kurdan dewam keno.
Coka gere ma heme hetê Kurdîstanî, destek bidê yewitîya rojavayê Kurdistanî ke wa yewitîya mîyanê keyeyê Kurdî bêra ronayene.
Seba ke wa hêvîyê şarê ma reyna nêrê şikiyayîş û birîna Şengal Efrîn, Girê Spî û Serê Kanî bêrê derman kerdiş û dejê şarê ma kêmî bibo û seba ke şarê ma bieşko erdanê xo ser bi azad biciwîyo û hêvîyê şarê ma Kurdistanî de berz bibê, ma qonaxê diyînî yê pêvînayîşê mabênê TEV-DEM û ENKSî teqîp kenî û hetkarî danê nê pêvînayan.
Coka zî ma newe ra venga Ma heme Kurdistanîyanê Ewropa û yê heme dinya, Komelê sivîlî, Partiyê sîyasî, şexsîyet û hûnermendê kurd Kurdistanî danê û vanê, bêne ma heme pîya hetkarî bidê teşebusê yewîya Kurdan Rojavayê Kurdistanî.
Ma hêvî kenê ke, qonaxê diyînî yê pêvînayîşan bi hawayo serkewte netîce bibo û yewîya mîyanê keyeyê kurdî bêra ronayene.
No do bibo wesîleya azadî û bibo dermanê birîna Şengal, Efrîn, Girê Spî û Serê Kanî. Çunke yew helwestî û yewitî çareserî yo. Seba ke Kurdî bi sereberz bicuyê û reyna rastê zulum û qetlîaman nêrê gere fek nê îmkanê zerdinî ra veranêdê.
Komela Kurd …Schweinfurt 06.06.2020