Wezîrê Pêşmerge yê Hikûmeta Herêma Kurdistanê Şoreş Îsmaîl bi minasebeta 3 saliya kabîneya nehem ya Hikûmeta Herêma Kurdistanê gotarek pêşkêş kir û tê de ragihand ew ji bo baştirkirina jîyan û jiyana Pêşmerge û pêşxistina zêdetir ya Kurdistanê kar dikin. Hêzên Pêşmerge bi rêya kontrolên bankî û vekirina hesabên bankî bûye sedema elektronîkirina proseya dabeşkirina mûçeyan, heta niha 33 hezar û 382 efser, pilebilind û Pêşmerge bi awayê kontrolên bankî mûçeyê werdigirin.
Herwaha Şoreş Îsmaîl got: Me du pirojeyên dîrokî yên giring bi dawî anîne, ku destkefteka giring a wezareta Pêşmerge ye, ew jî avakirina yekîneya hesap a serbazî bo hemû Pêşmergeyên Kurdistanê û pirojeya stratejiya berevaniyê.
Wezîrê Pêşmerge eşkere kir ku 3 hezar û 860 Pêşmergeyên xanenişîn ji bo rêveberiya giştî ya xanenişînan a Wezareta Darayî hatine veguheztin û hezar û 860 kes jî ji bo şehîdan ji bo Wezareta Pêşmerge û hêzên 80 û 70 yên nîştimaniya şehîdan hatine veguhestin.
Di berdewamiyê jî de Şoreş Îsmaîl got: “Me rê li ber îsrafê girtiye û me salane nêzîkî heşt milyar dînar vedigere xezîneya hikûmetê. Herwiha me nêzîkî 14 milyar dînar ji bo alîkarî û dermankirina birîndarên şer û vegerandina beşek ji deynên kombûyî yên wezaretê xerc kiriye û plana kar bi rêya elektronîk bi rêya mezintirîn kompaniya ku ji aliyê Amerîka ve tê fînansekirin hatiye amadekirin.
Şoreş Îsmaîl eşkere kir ku hezar û 100 efser û 31 mamostayên leşkerî li zanîngehên leşkerî hatine perwerdekirin, nêzîkî 300 efser û pilebilind ji bo korsên curbicur hatine şandin bo derve û 250 efser jî di korsên zimanê Îngilîzî û Almanî de beşdar bûne.
Şoreş Îsmaîl dibêje: “Me du tabûrên topxaneyên meydanî 1 û 2 û 4 baregehên hevahengiya hevbeş ava kirin, herwiha me bi hemahengî li gel şaneya leşkerî ya Iraqê şaneke ragihandin û hişyariyê ya Pêşmerge ava kir. Lîwayên 19, 21 û 22 û hêzên piştevaniya 1 û 2 ji yekîneyên 70 û 80 hatine ser wezareta me, ku bi giştî zêdetirî 28 hezar efser, pilebilind û pêşmerge ne.”
Wezîrê Pêşmerge dibêje: “Me 9 hezar û 578 Pêşmergeyên kêmendam lêkolîn kirin û ji aliyê Komîteya Bilind a Pizîşkî ve hatin muayenekirin, derket holê ku tenê 4 hezar û 664 kêmendam mûçeya pêwîst werdigirin û bi vî awayî gelek dahat ji hikûmetê re vedigere. Di sê salên borî de, me bernameya danasînê ya sala 2016 û 2017ê vegerandiye, ku zêdetirî 6 hezar kes bû û biryar e di demeke nêzîk de bernameya 2018 û 2019ê vegerînin.”
Herwiha Îsmaîl got: “Ji bo parastina canê Pêşmergeyên me, me eniyên şer û çeperan li seranserê Herêma Kurdistanê beton kirin û %70 karê wan bi dawî hatiye.