Wezîrê Tenduristiya Kurdistanê: Emê tedbîrên Koronayê li ber çavan re derbas bikin

Wezîrê Tenduristiya Herêma Kurdistanê ragihand, komîteya rûbirûbûna nexweşiya Koronayê dê bicive û tedbîrên li hember Koronayê li ber çavan re derbas bike.

Wezîrê tenduristiya Kurdistanê, dr. Saman Berzencî ji BasNewsê re got, van rojan komîteya rûbirûbûna Koronayê dê bi berpirsên wezaretên pêwendîdar re bicive û li ser şîret û tedbîrên li hember belavbûna Koronayê gotûbêj bike.

Dr. Saman Berzencî her wiha got, vekirina cihên giştî bi şertekî bû ku şîretên tenduristiyê bicîh bînin. Lê mixabin em dibînin tiştekî wisa nîne. Li fermangeh û dezgehên hikûmetê jî beşek ji karmendan û welatiyan şîretên tenduristiyê bicîh nahînin.

Wezîrê tenduristiyê da zanîn, hejmara pêketiyan û miriyên Koronayê roj bi roj zêde dibe û got, heta niha zêdetirî 51 hezar kes li Herêma Kurdistanê bi Koronayê ketine û nêzîkî 1900 kes jî bi Koronayê mirine.

Dr. Saman Berzencî hişyarî da û got, eger payîz û zivistanê welatî xwe baş neparêzin mixabin dê rêjeya pêketin û mirina bi Koronayê gelekî zêde bibe û li nexweşxaneyan de jî cih namîne.

 

Kurdîstan Haberleri

Festîvala fîlmên kurdî ya Patrîsê dest pê kir
Li Parîsê Pêşangeya Wêneyan
14 jinên Kurd beşdarî pêşangeheke şêwekariyê ya Polonyayê bûn
Suryaniyên Sûriyê: Gotinên di destûra demkî de, dewama gotinên rejîma berê ye
Komîteya Destûrê: Navê welat wekî Komara Erebî ya Sûriyeyê dimîne