Çend daxwazên sereke yên xwepêşanderan hene.
Xwepêşanderên alîgirên Tevgera Sedir derbasî nav hola civînan a Parlamentoya Iraqê bûn û "greva vekirî" ragihandin.
Rewşa ewlehiyê li Bexdayê bi temamî aloz bûye. Çendîn daxwazên sereke yên xwepêşanderan hene, weke "dadgehîkirina Nûrî Malikî, hilweşandina parlamento û Dadgeha Federal".
Xwepêşanderên Sedir, rijd in li ser redkirina Mihemed Şiya Sûdanî yê nazmedê Çarçoveya Hevahengiyê yê ji bo wergirtina postê Serokwezîriya Iraqê.
Îro şemiyê 30ê Tîrmehê, careke din alîgirên Tevgera Sedir Muqteda Sedir li Bexdayê dest bi xwepêşandanê kirin û çendîn daxwazên wan hene û dibêjin "heta ku ferman li me neyê kirin, em venakişin".
Di xwepêşandanên îro yên Bexdayê de alozî derketin, ajansa nûçeyan a Iraqê ragihand, Wezareta Tendirustiyê li sê nexweşxaneyên cuda pêşwazî li 60 birîndarên xwepêşandana îro kirine, bi awayekî berdewam jî diçin hawa birîndaran û çareseriya wan dikin.
Herwiha Tevgera Sedir di daxuyaniyekê de hişyariyeke bilez da aliyên siyasî û destdirêjiya ser xwepêşanderan xiste stûyê aliyên siyasî û got, hêzên ewlehiyê ligel çaksaziyê ne û çaksazî ligel wan e.
Daxuyaniya Tevgera Sedir arasteyî aliyên siyasî hatiye kirin û tekezî li ser wê yekê hatiye kirin ku pereyên xelkê Iraqê dizîne, loma destdirêjkirina ser xwîna xwepêşanderan rawestînin.