Ewro 07.12.2020 ciwanêkê şarê Mehabadî ke bi sûdarîya kiştişê qesdî cezaya îdamî girewtbi, zindanê şaristanî de ame aliqnayîş.
Gorê malumatê Komela Heqanê Merdiman ya Hengawî ewro serê sibayî hukmê darde kerdişî yê Kemal Exserî zindanê şaristanê Mehabadî de ame ca.
Kemal Esxerî pa 2 hevalanê xo roja 22ê Êlûla 2017î de hevalêkê xo bînî bi nameyê Sadiq Bermekî yo 19 serrî kiştbi û dima ra ey vêşnabî.
Nê hîrê ciwanî hetê dadgeha Mehabadî ra cezaya îdamî girewtbî.
Înan ra Danyal Zeynel Abidîn hepisxaneyê Miyanduwawî de pê îşkenceyê hêzanê asayîşî amebi kiştene.
Danyal Dîwanî Azer zî roja çarşemeyî hepisxaneyê Mehabadî de amebi darde kerdene.