Endamê Kongreya Amerîkayê Seth Moulton got, “Em dê wekî dostekî piştgiriya xwe ya bi Herêma Kurdistanê re bidomînin.”

Serokê Herêma Kurdistanê Nêçîrvan Barzanî, Endamê Kongreya Amerîkayê Seth Moulton qebûl kir.

Serokatiya Herêma Kurdistanê da zanîn ku her du aliyan pêwendiyên Amerîkayê yên bi Îraq û Herêma Kurdistanê re şîrove kirine.

Nêçîrvan Barzanî ji bo piştgiriya wê ya berdewam spasiya Amerîkayê kiriye.

Seth Moulton jî daye zanîn, “Kongreya Amerîkayê dê wekî dostekî piştgiriya xwe ya bi Herêma Kurdistanê re bidomîne.”

Li gorî daxuyaniyê, mijarên wekî “hilbijartinên Parlamentoya Kurdistanê, pêwendiyên Hewlêr û Bexdayê û reformên Wezareta Pêşmergeyan” hatine nirxandin.