Qezaya Sêwrege ya Riha de cinîyêk ( Zîne Karakaş) keyeyê xo de merde  ame vînayîş.

Taxa Aşagi Karabahçe ya qezaya Sêwrege ya Riha de keyeyê Zîne Karakaş ra vengê çekan ame. Ciranê ke vengê çekan ra dima şîyê keye dî ke Zîne merda.

Zîne Karakaş dadîya 7 domanan bîy û goreyê îdîayan merdeyê aye 2 rojî verê cû semedê karî şibi Îstanbul.

Cenaza seba otopsî wedarîya Nêweşxaneyê Dewlete yê Sêwrege. Hema eşkera nêbiyo ke Zîne Karakaş senî merda. Derheqê serebûtî de tehqîqat dîya destpêkerdiş.