Dezgeyê Sîvîlî yê Dêrsimî roja 15ê na menge de semedo ke Seyîd Rizayî û hevalanê ey yad bikerê yenê têlewe.

Naye ra 1937 serrî verî roja 15ê Teşrîna Peyêne de rayberanê Dêrsimî ra Seyid Rıza, Uşenê Seydî, Fındık Axa, Alîyê Mirzê Silî, Hesenê Îvraîmê Qijî, Hesen Axa ve Resik Uşen Xarpêt de  ameybî îdam kerdene.

Cayê mezelê  Seyîd Rizayî û ê kesê ke demê 1938î de ameyê darde kerdene hîna zî bewlî nîyo. Merdişê Seyîd Rizayî se ra 86î serrî vîyartî.

Seba serrgêra merdişê Seyîd Rizayî û hevalanê ey a 86ine Merkezê Cigêrayîşan yê Dêrsimî (Dersim Araştırmaları Merkezi (DAM)  Federasyonê Komeleyan ê Dêrsimî (Dersim Dernekleri Federasyonu (DEDEF) Federasyonê Yewitîya Dêrsimî ya Ewropa ya Demokratîke (Avrupa Demokratik Dersim Birlikleri Federasyonu (ADEF) pîya Îstanbul de qezaya Kadikoyî de çalakîya protestoyî kenê. 

Çalakî roja çarşeme (15ê na menge) saete 19:30 de do dest pêbikero. 

Heto bîn ra hetê Kurd-Kavî ra zî semedê yadkerdişê Seyîd Rizayî û ê kesê ke demê 1937î de ameyê darde kerdene panelêk yeno dayîş.

Panel qezaya Beyogluyî de, bînaya Kurd-Kavî de yeno dayene û Mehmet Gül û Kazım Arık sey qiseykerdoxî do panel de qisey bikerê. Panel roja 19ê Teşrîna Verêne saete 14.00 de do bêro dayene.