![Silêman Oso bû serokê nû yê ENKSyê](https://www.rupelanu.com/d/news/31217.jpg)
Silêman Oso bû serokê nû yê ENKSyê
.
Silêman Oso bû serokê nû yê Encumena Niştimanî ya Kurd a Sûriyeyê (ENKS).
Silêman Oso ku di heman demê sekreterê Partiya Yekîtî ya Kurdistanî ye, îro di civîna serokatiya ecumenê de wekî serokê ENKSyê hate hilbijartin.
Encumena Niştimanî ya Kurd a Sûriyeyê (ENKS) 2011an li bajarê Qamişloyê yê Rojavayê Kurdistanê hatibû avakirin.
Di nav ENKSyê de gelek partî, kesayet û rêxistin hene.
Herwiha ENKS di nav Îtîlafa Opozîsyona Sûriyê de jî cih digire.
Silêman Oso kî ye?
- Sala 1959an li gundê Til Dîkê yê Dirbêsiyê ji dayîk bû ye.
- Di salên 70yî de tevlî tevgera siyasî ya Kurd bû.
- Sala 1992yan ji aliyê hêzên ewlehiyl yên Sûriyeyê ve hat girtin.
- Piştre jî gelek caran ji ber xebatên xwe yên siyasî hate girtin
- Dema ku di zindanê de bû wekî endamê komîteya navendî Partiya Yekîtî ya Kurdistanî hate hilbijartin
- Sala 2018an bû sekreterê Partiya Yekîtî ya Kurdistanî
- Sala 2019an bû endamê Encumena Serokatiya ENKSyê
- Bavê 6 zaroken e
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin