Merkezê Xeberan - Goro ke vajîyeno eskeran Silîvan de eşt keyeyan ser, dewijan rê îşkence kerd û heywanê dewijan kiştî.

Roja sêşeme qezayanê Licê, Hezro, Farqîn û Pasûrî yê Amedî operasyona eskerîdîya dest pêkerdiş û operasyone qedîya.

Operasyone ra rojêk verê cu 8ê hezîrane de taxa Hindêsî ya Silîvanî de eskeran eşt keyeyan ser. Eskeran kelemçeyî dayî destê dewijan ro, ê darb kerdî û înan rê vatê ''şima do terorîstan bimojnê ma.''

Wextê operasyone de destur nêdîya ke şar keyeyanê xo ra vejîyo teber û dewarê şarî zî hetê helîkopteran ra ame bombardumankerdiş.

Qismêk mangayî ameyî qetil kerdene, ê ke birîndar bîyî zî seba ke wa mûrdar nêbê hetê dewijan ra ameyî serebirnayîş.