Emced Germaxîzî û Neîm Dostî, 2 bazirganên kurd ên ji Sineyê ne û ji ber ku tev li greva giştî ya roja 22yê çileyê ya li bajarên Kurdistanê bûn ku ji bo betalkirina biryara cezayê bidarvekirina aktîvîstên kurd Pexşan Ezîzî û Werîşe Miradiyê hatibû pêkanîn, ji aliyê hêzên ewlehî yên rejîma Îranê ve hatine girtin û nayê zanîn bê ka li ku tên ragirtin.

Saziya Mafê Mirov a Hengawê radigihîne ku ji bilî van her du bazirganên kurd, rejîma Îranê her weha Mihemed Seyf Penahî, Sîna Rizayî, Mihemed Etlesî û Umîd Mihemedî jî li Sineyê binçav kirine ku nayê zanîn bê ka li ku têne ragirtin.