Pêşmergeyekî serdema Komara Kurdistanê ku heta dawiya emrê xwe pêşmergetî kir, di 102 saliya xwe de koça dawî kir.

Mehmûd Aqayî ku wek Sofî Mehmûd tê naskirin, xelkê gundê Yaxacê yê devera Hewşarî ya Rojhilatê Kurdistanê, şeva borî li Başûrê Kurdistanê koça dawî kir.

Sofî Mehmûd di serdema Komara Kurdistanê de bûye Pêşmerge û piştî hilweşina Komara Kurdistanê jî di Partiya Demokrat a Kurdistana Îranê de pêşmergetiya xwe berdewam kiriye.

Navenda Hêzên Pêşmerge ya Hizba Demokrata Kurdistanê (HDK) got, “Sofî Mehmûd jiyana xwe ji bo bidestxistina mafên netewa Kurd terxan kiriye.”