Merkezê Xeberan- Paytextê  Somalî Mogadişu de vera nuqtaya asayîşî hêrişêk ame kerdene tewr tay 90 kesan cuya xo vînî kerde û bi desan kesî birîndar bîyî.

Paytextê  Somalî Mogadişu de ewro serê sibay vera nuqtaya asayîşî hêrişêk amebi kerdene. Ame eşkerakerdene ke hêrişî de 17ê înan polîsî tewr tay 90 kesan cuya xo vînî kerde û bi desan kesî birîndar bîyî. Yeno vatene ke mîyanê merdeyan zaf wendakarî estî.

Rêxistinêka mîyanneteweyîye ya ke zanayîşê xo nimite tepişena da zanayene ke hûmara merdeyan 90 ra zêdêr a. parlamenterêkê Somalî zî hesabê xo yê twîtterî  de da zanayene ke 90 kesî merdî. No hêriş hêrişo tewr gird ê tarîxê Somalî ra yew o. 2017 de Mogadişu de bi wesayîtêkê bombabarkerdeyî hêrişêk amebi kerdene û 600 kesan cuya xo vînî kerdebî. Heta nika hema kesî hêriş nêgirewto xo ser.