Merkezê Xeberan- Kesê ke nasnameyê înan nêno zanayîş kewtê zereyê Cemxaneyê Sultanbeylîyî û ber û pencereyê cemxaneyî şikitî û erd ser o nuşteyê ‘Nêqedîya’ û ‘Bimrêne’ nuştî

Kesê ke nêno zanayîş kam ê, kewtî zereyê Cemxaneyê Komeleya Kulturê Pîr Sultan Abdalî (PSAKD) yê qezaya Sultaneylîyî yê Stenbolî û ber û pencereyê  cemxaneyî şikitî.

Kesê ke hêrişê cemxaneyî kerdî erd ser o nuşteyê ‘Nêqedîya’ û ‘Bimrêne’  nuştê.

Nê kesî eşyayê cemxaneyî talan kerdî û pereyê ke qutîyê bexşî de bî dizînay.

Serekê Cemxaneyê Sultaneylîyî yê PSAKDî Erdal Aksoyî derheqê hedîseyî de ajansê PÎRHA rê qisey kerd û  va: “Xebatkarê cemxaneyî wexto ke serê sibayî ber akerdî rastê talanî ameyî. Bi şikitişê qutiyê bexşî, waştî ke hedîse sey dizî bidî nîşandayene.  Ganî elewîyî vera nê hêrişan de pîya têkoşîn bikerî û bibî yew. Ganî elewîyî pêrê pêser  û yewîya xo awan bikerî.