Îro (roja înê, 29.09.2016) li paytaxta Swêdê li Stockholm Segelstorgê xwepêşandanek li dijî êrîşa têrorê ya hovane ku roja çarşemê li bajarê Qamişlo li Rojavayê Kurdistanê rûdabû li dar ket .

Amadekarê xwepêşandanê Encumena Kurdên Sûrîyê li Swedê (EKSS) bû.

Kurdên Swêdê bi Alaya Kurdistanê beşdar bûn. Axaftin hatin kirin û mûm  ji bo miriyan hatin pêxistin.

Di nav axaftvanan de, berpirsê EKSS ê, ji Partiya Azadiya Kurdistanê Nimet Aydin û Siyasetmedar Omar Şêxmûs hebûn.

Berpirsê EKKSê Dilyar di axaftina xwe de got; divê ev qetlîam ji bo hêz û partîyên Kurd û Kurdistanê bibe ders da ew yekîtîya xwe çêbikin.

Wek tê zanîn roja çarşema 2016-07-27 bi destê têrorê êrîşêk  hovane dirêjî bajarê Qamişlo yê li Rojavayê Kurdistanê bû û tirimbêlen bombebarkirî di nava bajar de  hate teqandin. Zêdeyî 50 kesî şehîd bûn  û hejmara birîndaran zêdeyî 170 kesî ye. Hejmara birîndaran û miriyan hîn jî bilind dibe.

Roza Kurdî/Stockholm