Dêrsim de amadekarîya zimistanî ya cinîyan dest pêkerde. Dewa Kortanî ya merkezê Dêrsimî de cinîyî sûrgulanê koyanê Dêrsimî seba zimistanî wişk kenê.

Dewa Kortanî ya merkezê Dêrsimî de cinîyî wisar de koyan ra sûrgulan arê danê û seba zimistanî arê danê. Cinîyî nê sûrgulan ra rîçal û çay virazenê. Dewijî îfade kenê ke sûrgule seba nêweşîyan şîfa ya. Cinîyê Kortanî pare kenê ke kulturê sûrgulan pîlanê înan ra mend.

Dewijan ra Saîme Arslan vat: ''Ma koyan ra sûrgulan arê danê, înan vîjnenê û kenê wişk. ma sûrgulan ra rîçal û çay virazenê. Sûrgule şîfaya her derdî ya. Doktorî zî wina vanê.''

Dewija bîne Zulfîye Karginda vat: ''Ganî 4-5 kesî pîya nê karî bikerê. Ganî sûrgulî 3 saetan bigirê û nerm bibê. Ma hîrê tenekeyan de sûrgulan girnenê û tira 20-30 kîlo rîçal vejenê. Vanê sûrgulî seba Korona zî şîfa yê. Ma zî pîlanê xo ra nê karî musayî. Verî her kes goreyê çayî sûrgulî arê dayêne. Nika ma şinê pê pêlekan anê.''