Di operasyona rêya Dêrazor-Humisê de, 10 serbazên hikumeta Şamê û komên Lîwa El-Quds ên alîgirên wan bi mayinên çeteyên DAIŞê hatin kuştin.

Rewangeha Sûriyê ya Mafê Mirovan (SOHR) belav kiriye duh sibehê komên Lîwa El-Quds û Feyleqa 5an ên alîgirên hikumeta Şamê li çolistana Sûriyê dest bi operasyoneke ewlehiyê ji bo ewlekirina rêya Dêrazor-Humisê kir. Operasyon piştî çalakbûna çeteyên DAIŞê ku gelek kemîn li ser rêyê pêk anîn, hate destpêkirin.Hemwextî wê yekê, balafirên şer ên Rûsyayê destek da operasyona ku ji Kebacib û El-Şola yên rojavayê Dêrazorê û heta El-Sexneyê ve hatiye destpêkirin.

Herwiha SOHRê ragihandiye ku di 24 saetên dawîn de 10 endamên hêzên hikumetê û komên alîgirên wan bi mayinên ku çeteyên DAIŞê li herêma El-Tîba ya girêdayî El-Sexne li rojhilatê Humisê çandine, hatine kuştin.  

Iraqê termê 55 serbazan Îranê radest kir
Îro yekşemê Hikûmeta Iraqê termê 55 serbazan Îranê yên di şerê di navbera herdu welatan de miribûn û termê wan li nava xaka Iraqê bûn radestî Îranê kir.

Berpirsê Deriyê Sînorê yê di navbera Iraqê û Îranê de Kazim Yasrî ji medyaya Iraqê re aşkere kir bi awayekî fermî wan termê 55 serbazên Îranê radestî hikûmeta Îranê kirine.

Herwiha Kazim Yasrî da zanîn wan berê jî termên sebazên şerê navbera Îranê radest kiribûn.

Îranê di  navbera salên 1980-1988yî de şer kiribûn û ji ber wî şerî milyonek însan mirin û bi milyonan însan birîndar bû penaber bûn.