Rêxistinanê komelê demokratîkî yê Swêdî vera cezakerdişê Keşîş Ahoyî (Sefer Bîleçen) nêrazîbîyayîşê xo mojna. Wekîlê Partîya Lîberale Robert Hannahî zî babete viste rojdemê parlamento.

Keşîşê Keşîşxaneyê Morî Sefer Bîleçen (Aho) rê  pê sûcdarîya 'hetkarîya rêxistina terorî' cezaya zîndanî ya 2 serran û mengêke dîyaye. Rêxistinanê asûrî-sûryanîyan ê Swêdî vera ceza nêrazîbîyayîşê xo mojna.

Federasyonanê Cinîyan ê Asûrîyan, Federasyonanê Sûrîyanî, Partîya Azadîye ya Mezopotamya, Federasyonê Tûrabdînî, Yewîya Demokratîke ya Sûryanîyan û Rêxistina Demokratîke ya Asûrîyan pê eşkerayîyêka hempare cezakerdişê Rahîp Ahoyî şermezar kerd. Rêxistinan waşt ceza bêra betalkerdene û seba edaletî veng da. Rêxistinan da zanayene ke Keşîş Ahoyî têna wezîfeyê xo ard ca û pê na bire derbe dîyaye şaranê herêmîyan ê herême.

Wekîlê Partîya Lîberale Robert Hannahî zî babete viste rojdemê parlamentoya Swêdî. Hannahî Wezîra Karanê Teberî Ann Linde ra waşt ke seba betalkerdişê ceza têbigêra û rojdem bivisna rojdemê Yewîya Ewropa.