Wezareta Tenduristiyê ya Tirkiyeyê 5 ziman li sîstema e-Reçetemê (reçeteya elektronîk) zêde kirin lê cih neda Kurdî.

Li hemberî vê helwesta Wezareta Tenduristiyê ya Tirkiyeyê, gelek kesan nerazîbûna xwe nîşan da.

Yek ji wan jî Parlementerê CHPyê yê Amedê Sezgin Tanrıkulu bû.

"Çima Kurdî nîne?”

Tanrikulu li ser hesabê xwe yê medyaya civakî nivîsiye:

“Bi milyonan welatiyên me zimanê wan ê dayîkê Kurdî ye û cihnedana Kurdî di sistema e-Reçetemê de nayê qebûlkirin.

Ev yek nîşan dide ku naxwazin pirsgirêka ku welatiyên me ji ber pirsa ziman nikarin xizmetên tenduristiyê wergirin bibînin.

Di sîstema ku tê de Rusî û Erebî heye çima Kurdî nîne?”

Ji aliyê din ve Partiya Demokratîk a Gelan (HDP) li ser hesabê xwe yê medyaya civakî nerazîbûn nîşan day.

HDPyê jî got, “Kurdên ku piştgiriyê didin AKPyê, gelo hun jî van pirsan nkin? Birêz Fahrettin Koca qet nebû tu li zimanê xwe jî xwedî derketibayî.”

Wezîrê Tenduristiyê yê Tirkiyeyê Fahrettîn Koca, li ser hesabê xwe yê medyaya civakî eşkere kiribû ku zimanên Îngilîzî, Almanî, Erebî, Fransî û Rûsî li sîstema e-Reçetemê zêde kirine.