Miletê Kurd miletanê kehenan yê herême ra yew o. Welatê ma ameyo îşxalkerdene û pare kerdene. Beşê tewr pîl yê miletê Kurd Bakurê Kurdistanî de ciwîyeno. La şarê ma heme heqanê xo yê neteweyî, siyasî, kulturî û hetta merdimayî ra mehrûm mendo. Roja ke Komara Tirkîya ameya awankerdene, pê zilm û zordarîya neteweyî, siyasî û komelkî, waşta bi hawayêko sistematîk û daîmî ziwanê kurdkî asîmîle biko û çîne biko. Dewlete baş zana ke sitûnêka esasî ya miletê Kurd, ziwanê ci o. Coka zî hêrîşê ziwanê ma kenê. Asîmîlasîyonê ser ziwanê kurdkî Bakurê Kurdistanî de ameyo na merhele ke, êdî pê asîmîlasyon nêno namekerdene; ziwanê kurdkî binê jenosîdî de yo.

Tecrubeyê heme miletan îspat kerdo ke ziwanê miletêk, tewr baş, ser erdê welatê xo de û pê serdestîya ê miletî eşkeno biciwîyo, aver şêro û bibo ziwanê heme qismanê cuye. Goreyê na rastîye zî, eke miletê Kurd bieşko erdê welatê xo ser o xo îdare biko, ziwanê kurdkî tewr baş eşkeno sey ziwanê perwerdeyî û ziwanê cuye qîmetê xo yê eslî bivîno.

La heta ke welatê ma azad bibo, wezîfeyanê ma yê neteweyî û demokratîkî ra yew zî, ewro ra tepîya ma gere vernîya siyasetê asîmîlasyonî û jenosîdê ser ziwanê kurdî bigîrê. Gere sey her miletî, miletê Kurd zî bieşko bi hawayêko azad ziwanê xo yê dayike her warê cuye de bixebitno û aver bero. Gere zimanê kurdkî dibistanê destpêkî ra heta unîversîte sey ziwanê perwedeyî bêro qebûl kerdene. Gere ziwanê kurdî bajaranê Kurdistanî de sey ziwanê resmî heme dezgehanê resmî, komelkî û kulturî bêro şuxulnayene.

La ma gere nê çîyan ser o vinde: Xebate û têkoşînê seba destvistişê heqê neteweyî, siyasî, komelkî û kulturî; xebate û têkoşînê seba destvistişê heqê tewr meşrû û merdimayî yê perwerdeyê bi ziwanê kurdkî û bi hawayêko azad xebitnayîşê nê ziwanî. La seba nê armancî, gere ma tu game û desvistişan înkar nêke, înan ra îstifade bike û semedê gamanê pîlan bixebitne. Gere ma bi hişmendîyêka neteweyî ”weçînayîşê zaravayê kurmancî û kirdki (zazakî) sey dersêka weçînayî” ra îstifade bike û desteg bide kampanya û xebatanê seba nê kampanya.

Heta roja 7ê Sibata 2022y wendekarê sinifa 5,6,7,8 eşkenê dersa weçînayî ya kurdkî biweçînê. Pa heme problem û astengîyan û Dewleta Tirkîya prosedurê dersa weçînayî ya kurdkî dahî nêana ca. Ganî ma heqê dersa weçînayî bixebitne û bike ke, keyeyê kurdan semedê tutanê xo dersa weçînayî ya kurdkî biweçînê.

Gere, ma na game semedê musayîş û xebtitnayîşê ziwanê kurdkî û semedê destvistişê perwerdeyê bi ziwanê kurdkî sey îmkanêk bixebitne. No eşkeno bibo îmkanê xebate û têkoşînê neteweyî û demokratîk yê miletê Kurd. La ganî ma bi hawayêko zelal vaje bike ke dersa weçînayî bes nêkena, cewabê lazimîya ziwanê kurdî nêdano. Ganî sey waştişêkê acîl yê miletê Kurd, ca de. ziwanê kurdkî bibo ziwanê resmî. Ganî Bakurê Kurdistanî de perwerdeyîya bi ziwanê kurdkî û bajaranê Tirkîya de zî dibistanan de heqê musayîş û wendişê ziwanê kurdkî bêro qebûl kerdene. Coka zî ganî xebate û têkoşînê seba vernîgirewtişê asîmîlasyon û jenosîdê ser ziwanê kurdkî dewam biko.

Ma nê partî û rêxistinê ke nameyê înan cêr de ameyo nuştiş, sere de venga dayikanê kurdan û heme keyeyanê kurdan danê ke bi hişmendîêyka neteweyî wayîrê ziwanê kurdkî vejîyê!

Ziwanê dayike, stûnêka bingehîne yê estbîyayîşê miletê Kurd o!

-Ma bike ke keyeyanê xo de tutanê xo reyde bi kurdkî qisey bike. Ma heme beşanê cuya rojane de kurdkî bike ziwanê xo yê esasî yê qalîkerdişî!

-Ma bike ke her keyeyê kurdan bibo dibistanêkê ziwanê kurdkî, ma heme îmkananê xo seferber bike ke tutanê xo rê kurdkî bimusne!

-Ganî heme partîyên sîyasî, dezgehê sivîlî û çapemenîya kurdan; heme sîyasetmedar, nuştox roşnvîr û hunermendê kurdan, kurdkî bikê ziwanê xo yê esasî yê sîyasetî, yê nuştişî, yê çalakîyê dezgehê xo û yê roşnvîrî û hunerî.

-Asîmîlasîyon sûcê merdimayî yo. Coka zî xebate û têkoşînê vera siyaset û kerdenê asîmîlasyonî û jenosîdê ser ziwanê kurdkî, eynî wextî de wezîfeyêkê merdimayî yo!

-Ma venga keyeyanê kurdan danê ke wa tutanê xo rûhê heskerdişê ziwanê dayike û kesayetîya neteweyî ra mehrûm nêverdê!

-Ma venga keyeyanê kurdan danê ke dersanê weçînayî de, kurdkî (kurmancî û kirdkî /zazakî) biweçînê!

TDK-TEVGER, PAK, PSK