Tehqîqatê Kobanê de 48 kesanê destbendkerdeyan ra 13 kesî ameyî tepiştene.

Çarçewa tehqîqatê Kobanê yê Serdozgerîya Komare ya Anqara de derheqê 91 kesan de bira destbendkerdişî ameybî dayene û 48 kesî ameybî destbendkerdene. 

Îfadeyê kesanê destbendkerdeyan Mehkemeya Ceza ya Sulhe de ame girewtene. Îfadeyê 28 kesan temam bi û 13ê ci ame girewtene. Kesê ke tepişîyayê wina yê: Abdullah Bozkoyun, Eyupcan Ocal, Erdal Avci, Gulşene Duran, Berat Anli, Fecrî Tayfun, Umît Guneş, Zana Doner, Nîzamettîn Onar, Burhanettîn Buduş, Hasan Ugur Çat, Mehmet Koyuncu, Huseyîn Daş.

Vizêr şewe zî Atalay Bayrak, Nîhat Gezîcî, Îlyas Tekîn, Navaf Ok û  Halîn Aslanli ameybî girewtene.

10 kesî zî bi şertê kontrolê edlîyî vera dîyayî.