Tepişteyo nêweş Mehmet Emîn Ozkano 83 serre reyna wedarîya nêweşxane ke rixmê raporan vera nêdîyeno.

epişteyo nêweş Mehmet Emîn Ozkan (83) 2ê êlule de wedarîyabi nêweşxane û gêrîyabi binê tedawî. 

Goreyê agahîyanê ke keyeyê ci dayê, Ozkan reyna Zîndanê Amedî ra wedarîyayo Nêweşxaneyê Cigêrayîş û Perwerdeyî yê Gazî Yaşargîlî. Ozkan 4ê êlule de wedarîya servîsê normalî.

Keyeyî pare kerd ke derheqê rewşa Ozkanî de agahîyêke nêdîyena.

Mehkemeya tirkan Ozkan qezaya Licê ya Amedî de 1993 de pê sûcdarîya kiştişê Tuggeneral Bahtîyar Aydinî tepişt û 27 serrî yo zîndan de verdeno.

Ozkan de nêweşîyê sey tansîyon, guatr, helîyayîşê esteyan, kêmîya vînayîş û eşnawitişî est ê. Rixmo ke nêweşxaneyan raporê 'nêeşkeno zîndan de bimano' dayo, seba ke Dezgehê Tipê Edlîyî (ATK) raporê 'eşkeno zîndan de bimano' da Ozkan vera nêdîyeno.