Mehmet Sevînço ke Zîndanê Akhîsarî yê Manîsa de gonîye şîya mezgê ci, dinyaya xo bedilnaye.

Mehmet Sevînço ke 28 serrî yo zîndan de bi, Zîndanê Akhîsarî yê Manîsa de ame qetilkerdene. Ame îdîakerdene ke Sevînç şewa 3ê nîsane de hucreyê xo de hetê gardîyanan ra ameyo dîyene û hişê ci şibi.

Sevînç wedarîyabi Nêweşxaneyê Dewlete yê Mustafa Kîrazogluyî yê Akhîsarî û amelîyat bi. Keyeyê Sevînçî ra ewro saete 11.00 de leşkeran vat ke Sevînçî dinyaya xo bedilnayo. Cenazaya Sevînçî wedarîyaye otopsî.

Kênaya Sevînçî Bêrîvane Sevînç agahîyî dayî Ajansê Mezopotamya û vat: ''Înan babîyê mi eşt hucreyê yewkesî û kişt. Xebere zî nêdîyena ma. Ma nêzanenê ke o senî merdo û çi ameyo sereyê ci. Doktoran nê leşkeran xebera mergî daye ma.''