Sereko weçînaye yê Herêma Kurdistanî Nêçîrvan Barzanî derheqê teqayîşê ke vizêr Kerkuk de qewimîyabî de beyanat da.
Serek Nêçirvarn Barzanî va: Terorîstî wazenê newe ra Kerkuk de şar bitersnê û qetl bikê. Ma keyeyanê şehîd û qurbanîyan rê serweşî û sebr wazenê. Heme dezgeyê
Herêma Kurdistanî hadre yê ke Kerkukî rê her tewir ardim bikê.
Heto bîn ra Serek Mesûd Barzanî zî derheqê hêrişê Kerkukî de beyanat da. Serek Mesûd Barzanî va ke, Terorîstê kenê ke Kerkuk de terse biverdê zereyê şarî. Ma nê hêrişê terorî şermezar kenê. Semedê pawitişê Kerkukî çi hukmatê Kerkukî çi ma benê ferq nêkeno. Ma pêro gere seba asayîş û huzurê Kerkukî xebate bike.
Heto bîn ra  YNK zî semedê Kerkukî beyanat da û YNK wazena wa asayîşê Kerkukî newe ra teslîmê pêşmergeyan bibo.
Beyanatê YNK de veng dîya Parlamentoyê Iraqî û Serekwezîrê Iraqê Adil Ebculmehdî ra ame waştiş ke wa Pêşmergeyî newe ra abigêrê Kerkûk.
Hetkarê Sekreterê Pêroyî yê YNK Kosret Resûlî zî hêrişê Kerkûkî şermezar kerd û va: Gere Kurdî semedê asayîşê Kerkukî wezîfe bigîrê. Gere hînî pêşmergeyî zî Kerkuk de semedê asayîşê Kerkukî wezîfe bigîrê.

Seke yeno zanayîş şewa bîne Kerkuk de hêrişê terorî bibi û nêtîceyê hêrişî de 6 kesî ameybî qetlkerdiş.