Terteleyê Gelîya Zîlane ser o kitabêk ameyo hedrekerdiş. Kitab de şahîdê terteleyî qisey kenê.

Cigêrayox Nîhat Gultekîn xeylî wextî ra nat Terteleyê Gelîya Zîlane ser o xebitîyeno. Gultekîn kewto şahidanê terteleyî dima û bi nameyê ‘Esmanê Sor’ belgefîlmêk anto. Nîhat Gultekînî nika zî bi qiseykerdişê şahidanê terteleyî reyna bi nameyê ‘Esmanê Sor’ kitabêk nuşto. Nameyê bînî yê kitabî, ‘Şahidê Komkiştişê Gelîya Zîlane’ yo. Nê Kitabî de 15 roportajî estê. Nê şahidan belgefîlme de zî qisey kerdo. Rohat Alakomî zî kitabî rê vervateyêk nuşto. Terteleyê Gelîya Zîlane fekê şahidan ra bi teferuatan yeno qiseykerdiş. Na xebata erjayî hetê Weşanxaneyê Dozî ra ameya çapkerdiş.