Teşkîlata Wanê ya PAKê roja 29.10.2016an li avahîya xwe ya nû, du salİya PAKê pîroz kir.

Rêveber, endam û dostên PAKê û gelê me yê Wanê beşdarî pîrozbahîyê bûn.   Dezgahên ragehandinê û rojnamavanên Wanê eleqeyeke baş nîşan dan.

Seroka Teşkîlata Tuşba ya Wanê Hulya Kayaalp  bi Tirkî, endamê Meclîsa PAKê Îsmet Elçî jî bi Kurdî di derbarê xebat û perspektîf û rola PAKê di têkoşîna azadîya Kurdistanê de  axaftin kirin.

Paşê beşdaran daxwaz, pêşniyarî û fikrên xwe pêşkêş kirin.

Wekî tê zanîn piştî teqîna  ku di cejna qurbanê de li Wanê rûdabû, avahîya PAKê zeraareke mezin dîtibû û Teşkîlata Wanê ya PAKê mecbûr mabû cîhê xwe biguhere. Pîrozbahîya du salîya PAKê  li cîhê xwe yê nû, hêvî û morala  PAKîyan û dostên PAKîyan geştir kir.

Pîrozbahî di atmosfereke germ û berhemdar de derbas bû.