Teşkîlatê Partîya Azadîya Kurdistanî (PAK) yê Batmanî serrgêra Referandûmê Xoserîye ya diyîne pîroz kerd.

Teşkîlatê Partîya Azadîya Kurdistanî (PAK) yê Batmanî wesîleya serrgêra Referandûmê Xoserîye ra programêk organize kerd.

Kombîyayîş de ewilî seba şehîdanê Kurdistanî rêz ame girewtiş û bade bi wendişê marşê newtewî (Ey Reqîb) dewam kerd. Serekê Teşkîlatê PAKî yê Batmanî Aziz Özdemir şi meymanan vera û beyanatê  PAKî wend.

Beyanatê PAKî de wina ame vatiş:

“Roja 25ê êlûla  2017î de bajarê ke girêdayîyê Rayverîya Herêma Kurdistanî yê   (Hewlêr, Silêmanîye, Dihok û Helebçe) û qezayanê bînan ê Vaşûrê Kurdistanî, êyê ke babeta madeyê 140ine yê de, referandûmê  xoserîye yo meşrû, bi hawayêko demokratîk virazîya.

Beşdarîya referandûmî %72 bi û %92.73 şarê ma referandum de xoserîya Kürdistanî waşt.

Seke yeno zanayîş  Amerika , Rûsya, Ewrûpa û gelek dewletê dinya waştbî wa referandum bêro taloqkerdene.

Dewletê sey Tirkîya, Îran, Iraq û Sûrîyeye zî hetêk ra referandum qebûl nêkerdî hetêk ra zî seba ke wa referandum nêbo çi destê înan ra ame kerdî û sey ortaxan pêro -pîya vera referandumî vejîyay.

Şarê Vaşûrê Kurdistanî tehdît bi, rastê zorî û hêrişan ame, teber û zere ra planê qilêrinî virazîyay. La şarê ma bi cesaret, biqerar û bi bawerîyêka bi rûmet şi sindoqan ser û bi %92.73 xoserîye rê va ‘E’. Na helwesta şarê ma hetêk ra zî bi rayê demokratîk îlankerdişê îradeyêkê meşrû yê netewî bi.

Hêvî û wastişê ma partîyanê sîyasî, Hukmat û Parlamentoya Vaşûrê Kurdistanî ra no yo ke, wa îradeyê Referandûmê 25e êlûla 2017î rê wayîr vejîyê,  îtîfaqê xo û yewitîya netewî xurt bikê û heme qezencanê Vaşûrê Kurdistanî rê wayîr vejîyê;  hêzê pêşmerge û heme dezgeyê ke nika estê seba dewletbîyayîşî wa bibê yew û dezgeyanê neweyan ronê. La gere ma zî Referandûmê Xoserîye yo ke 25ê êlûla 2017î virazîya rê wayîr vejime û gere ma ney sey wazîfeyêko netewî qebûl bike.”

Peynîya programî de Seydayê Gurdîlî (Mele Emeddin Yetiz) şîîrêk bi namê “Serkewtişê Referandumê Vaşurê Kurdistanî “wend.

Program bi perd û cewaban û bi sohbetêko weş  qedîya.

25.09.2019

PAK Şaxa Batmanî