KCDPyî eşkera kerd ke menga teşrîna verêne de 21 cinîyî ameyî qetilkerdene û 8 cinîyî zî bi hawayêko şikdar merdî.

Platformê Ma Do Kişîyayîşê Cinîyan Vindarnê (KCDP) raporê binpay kerdişê heqanê cinîyan ê menga teşrîna verêne pare kerd.

Goreyê raporî  menga teşrîna verêne de 21 cinîyî ameyî qetilkerdene û 8 cinî zî bi hawayêko şikdar merdê. Nê 21 cinîyan ra 9ê ci seba ke waşt partneranê xo vera bidê kişîyayî, sebebê mergê 12 cinîyan nêame tesbîtkerdene.

Rapor de bale ameye antene na rewşe ser û wina ame vatene: ''Heta ke nêro tesbîtkerdene ke cinîyî pê kampew bahane û hetê kamî ra kişîyayî, sûcdarî cezaya qîm nêgêrê, edalet nêro caardene, tedbîrî nêrê girewtene şîdetê vera cinîyan do dewam bikero.''