Berpirsekî Wezareta Elektirîka Kurdistanê diyar dike, eger tevahiya santralên Herêma Kurdistanê aktîf bibin, dê nêzîkî 7 hezar mêga wat elektirîk were bidestxistin.

Li gor Berpirsê Enerjiyê li Wezareta Elektirîka Kurdistanê Diyar Baban daye zanîn, eger em tevahiya santralên xwe aktîf bikin û bidin xebatê, em ê 6 hezar û 700 mêga wat elektirîkê bidest bîxin. Lê sotemeniya me têrê nake. Em niha li Kurdistanê tenê 3 hezar û 800 mêga wat elektirîk berhem tînin.

Berpirsê Wezareta Elektirîkê destnîşan kir, berpirsên şîrketa Dana Gaz û Wezareta Samanên Sirûştî gotine, dê heta dûmahîka îsal gaza santralan zêde bikin da ku elektrîk zêde bibe.

Herwiha Diyar Baban eşkere kir, wan plan kirine îsal bi enerjiya rojê û şewitandina nefta reş, zêdetirî 200 mêga wat elektirîk bidest bîxin.