Teyareyanê şerî yê artêşa Tirkîya herêma  Koyê Kortekî ya Başûrê Kurdistanî de da sivîlan ro. Netîceyê bombardumanî de 3 sivîlî amê kiştiş û 5 kesî zî birîndar bîyî.

Teyareyanê şerî yê artêşa Tirkîya Koyê Kortekî yê Binarê Qendîlî yê Başûrê Kurdistanî de da wesayîtanê sivîlan  ro.

Bomardûman de cinî û domanî zî tede 3 sivîlî ameyî qetilkerdene  û 5 kesî zî birîndar bîyî. Rîyê bombardûmanî ra erazîyê citkaran de zî şewat vejîya.

Nameyê 3 sivîlanê ke ameyî qetilkerdene û 5 û kesê ke birîndar bîyî ameyî eşkerakerdene.

Teyareyanê şerî yê artêşa Tirkîya vizêr Koyê Kortekî yê Binarê Qendîlî yê Başûrê Kurdistanî de wesayîtanê sivîlan ser o bombayî varnayîbî. Bomardûman de cinî û domanî zî tede 3 sivîlî ameybî qetilkerdene û 5 kesî zî birîndar bîbî.

Kesanê ke cuya xo vînî kerde nameyê înan wina yê: Abdulla Alî Mîne (53), Kurdistan Abdula (30) û Heryad Abdula (19)

Nameyê çar kesanê birîndaran zî wina yê: Mihemed Abdula, Taybet Mihemed Abdula, Benaz Abdula, Rabî Mihemede (Dayîka kesanê ke ameyî kiştene).

Sivîlê ke şewa bîne herêma Kortekî ya Qendîlî de hetê dewleta Tirkîya ra ameyî qetilkerdene ameyî definkerdiş. Her hîrê cenazeyi zî bêveng ameyî definkerdene.