Lîstikvanên tîma iKurdê ji bo beşdariya pêşbirkên fînalê gihiştin Taşkenta paytexta Ozbekistanê.

Lîstikvanên bi şiyan ên ku ji bajarên cuda hatine ba hev, 7ê Nîsanê gihiştin Taşkentê û dest bi amadekariyan kirin.

Şampiyoniya Cîhanî ya PUBGyê îro dest pê dike û tîmên herî baş ên cîhanê dê li hev kom bibin.

Di turnuvayê de bi tevahî 409 hezar dolarên Amerîkî xelat dê were dayîn û lîstikvanan global jî ji nêzîk ve dişopînin.

Tîma iKurdê ji birêvebir Adem Rizgar (Akrê), serokê tîmê Kawan Receb (Akrê) û lîstikvan Elîko (Zaxo), Elî (Hewlêr), Ejî (Soran) û Hîwa Kelarî (Kelar) pêk tê.

Tîma iKurdê sala 2023yan jî beşdarî turnuvayeke navneteweyî ya li Erebistana Siûdî bûbû.

Birêvebirê tîmê Elî Samî ji Rûdawê re got:

“Çûyîna tîma me ya Ozbekistanê bi temamî bi saya şiyanên lîstikvanên me bû.

Me ti piştgirî ji saziyan wernegirtin.”